Wat is Kunsterapie




Wat is kuns? Die produk van menslike kreatiwiteit. (wordnet.princeton.edu) Kuns kan beskou word as, en kan gebruik word vir, 'n uitdruklike afbeelding van ons binneste self. (No More Second Hand Art - Peter London) Aanhalings van bekende kunstenaars: “I dream my painting and then I paint my dream.” -Vincent van Gogh “We all know that art is not truth. Art is a lie that makes us realise the truth.” - Pablo Picasso “A man paints with his brains and not with his hands.” - Michelangelo Wat is kreatiwiteit? Kreatiwiteit is 'n geestelike en sosiale proses vir die skepping van nuwe idees, konsepte, of die vorming van nuwe assosiasies tussen bestaande idees of konsepte. Kreatiwiteit word aangevuur deur 'n proses van bewustelike of onbewustelike insig. (en.wikipedia.org) WAT IS KUNSTERAPIE? The handbook of Art therapy deur Caroline Case and Tessa Dalley 1992 definieer kunsterapie soos volg: “Kunsterapie behels die gebruik van verskillende kunsmediums (skilder, teken, muurskildering en beeldhouwerk, sowel as sekere vorms van handwerk - mosaïek, kralewerk, sementkuns, houtkuns en plakboek) waardeur die kliënt homself kan uitdruk. Sodoende kan hy deur die kwessies en vrae werk wat hom na die terapie gebring het. Die terapeut en kliënt is in 'n vennootskap om die proses en die uitkoms van die sessie te begryp. Dit is vir baie kliënte makliker om met die terapeut via die kunsobjek te kommunikeer. Dit vorm 'n vertrekpunt vir bespreking, ontleding en selfevaluering. Hierdie sessies kan individueel of in 'n groep hanteer word. Voorstanders van kunspsigoterapie glo dat kunswerk die mees effektiefste is om gevoelens, vrese en fantasieë uit te druk. Dit kan dan deur middel van tradisionele gespreksterapie deurgewerk word. Kunsterapie is 'n spesiale medium wat toegang verleen tot daardie verborge gevoelens wat die sleutel tot ons worstelings bevat. Die teorie agter kunsterapie word gedeeltelik gebaseer op die feit dat kreatiwiteit en genesing vanaf dieselfde plek kom.” (Art Therapy:How Creative Expression Can Heal Barbara Williams) “Kunsterapie vra jou om jou innerlike ondervindings deeglik te ondersoek - jou gevoel, persepsies en veronderstellings. Alhoewel kunsterapie meebring dat nuwe vaardighede en kunstegnieke aangeleer word, is die klem eerstens daarop om dié beelde wat van binne die persoon kom, te ontwikkel en uit te druk, eerder as dit wat hy of sy in die buitewêreld sien. Sommige tradisionele kunsklasse sal jou vra om vanuit jou verbeelding te skilder of te teken. In kunsterapie is jou innerlike wêreld van beelde, gevoelens, gedagtes en idees konsekwent en uiters belangrik. In kunsterapie is die kreatiewe proses om kuns daar te stel die genesingskrag. Hierdie proses is terapeuties. Kunsterapie is gebaseer op die idee dat kuns 'n manier van simboliese kommunikasie is.” (The Art Therapy Sourcebook - Cathy Malchiodi) Skepping van 'n produk 'n Algemene wanopvatting omtrent kunsterapie is dat jy kunssinnige talent moet besit om voordeel daaruit te trek. Onthou my leuse: "NO SKILLS, NO AGE, REQUIRED - ONLY PARTICIPATION” Almal het die vermoë om kreatief deur middel van kuns te wees. Die filosofie van kunsterapie ondersteun die idee dat alle kunsuitdrukkings aanvaarbaar is. Alhoewel die kreatiewe proses en simboliese kommunikasie twee fundamentele aspekte van kunsterapie is, is daar verskillende aspekte van die kunsterapieproses wat as terapeuties beskou kan word. In sy eenvoudigste betekenis is kunsskepping 'n aktiwiteit wat die selfbeeld kan bevorder, risiko-neming en eksperimentering aanmoedig en 'n persoon se lewe verryk. Terwyl hierdie dimensie van kunsterapie meer soos ontspanning lyk, is die kreatiewe proses - deur iets met jou eie hande te maak en die besef dat jy iets unieks kan maak - 'n kragtige ondervinding met onbetwisbare terapeutiese voordele. Daar is iets persoonliks, betekenisvols en outentiek om iets met jou eie hande en verbeelding te skep. Kunsskepping raak baie verskillende dele van jouself aan. Dit kan positiewe ondervindings uit die kindertyd na vore bring, of die gewaarwording van trots en prestering in die vorming van 'n kleibeeld of die rangskikking van beelde om a collage te maak." (The Art Therapy Sourcebook ,Cathy Malchiodi) Handwerk terapie Nie so intimiderend as kunsterapie nie. Handwerk terapie sluit in mosaïek, kralewerk, sementkuns, houtkuns, draadwerk, piouter, restourasie van meubels, decopage en plakboek. Neem alle mediums en voeg dit saam om 'n finale produk te vorm. Die beginsels is dieselfde as vir kunsterapie.